प्रतिनिधी / कुर्डुवाडी
माढा तालुक्यात आज २१ जण कोरोना बाधित असल्याचा अहवाल तालुका आरोग्य प्रशासनाला प्राप्त झाला असून कुर्डुवाडी, टेंभुर्णी, वेणेगाव, तुळशी, सापटणे टे, पिंपळनेर, लव्हे, लऊळ येथे हे कोरोना बाधित रुग्ण आढळले आहेत.
तालुक्यात माढा येथे कुर्डुवाडी येथे ३, टेंभुर्णी येथे १०, वेणेगाव येथे १, तुळशी येथे १, सापटणे टे येथे १, पिंपळनेर येथे ३, लव्हे येथे १, लऊळ येथे १ जण कोरोना बाधित असल्याचे समोर आले आहे.
तालुक्यातील एकूण बाधितांचा आकडा ३४५१ झाला असून यामधील ३१८० बाधित रुग्ण उपचारानंतर बरे होऊन घरी परतले आहेत. आतापर्यंत ११८ जणांचा मृत्यू झाला आहे. तर उर्वरित २०७ जणांवर उपचार सुरु असल्याचे तालुका आरोग्य विभागाचे संतोष पोतदार यांनी सांगितले. दिवाळी नंतर ग्रामीण भागात तालुक्यातील विविध भागात बाधित रुग्ण आढळत आहेत. नागरिकांनी गाफील न राहता सतर्क राहून नियमांचे पालन करणे गरजेचे आहे.