वार्ताहर/ किणये
स्वामीनगर, मच्छे येथील हरिओम महिला भजनी मंडळातर्फे गुरुपौर्णिमा साजरी करण्यात आली. गुरुपौर्णिमेनिमित्त किणये येथील संगीत शिक्षक शंकर पाटील यांचा सत्कार करण्यात आला.
आपल्या आयुष्यात गुरुचे स्थान मोठे आहे. गुरुंचा आशीर्वाद नेहमीच प्रेरणा देणारा असतो. म्हणून साऱयांनी आपल्या गुरुजनांचा आदर केलाच पाहिजे, असे मनोगत हेमलता देसाई यांनी व्यक्त केले.
शंकर पाटील हे बेळगाव परिसरातील अनेक महिला मंडळांना भजन शिकवितात. त्यांचे हे कार्य समाजहिताचे आहे, असे विचार भरमाण्णा बेळगावकर यांनी व्यक्त केले. शंकर पाटील यांचा शाल, श्रीफळ देऊन सत्कार करण्यात आला. त्यानंतर भजनाचा कार्यक्रम झाला. कार्यक्रमाला महिला भजनी मंडळाच्या सदस्या उपस्थित होत्या.