जपानमध्ये दोन आंब्यांची किंमत अडीच लाख रुपये
जगात आंब्याच्या अशा काही जाती आहेत, ज्या सर्वात महागडय़ा आहेत. ‘ताईयो नो तामागो’ आंब्याची जात केवळ जपानच्या मियाजाकी प्रांतातही आढळते. याच्या दोन आंब्यांची जोडी अडीच लाख रुपयांपर्यंत मिळते. या आंब्यांचे पीक केवळ स्पेशल ऑर्डरवरच घेतले जाते, म्हणजेच हा आंबा सहजपणे खरेदी करता येत नाही. हा आंबा अर्धा लाल तर अर्धा पिवळय़ा रंगाचा असतो. जपानमध्ये याचे पीक उन्हाळा आणि हिवाळय़ादरम्यानच्या ऋतूत घेतले जाते, एका विशेष प्रकाराने त्याचे पीक घेतले जात असल्याने याची किंमत अत्यंत अधिक असते.
यांतर्गत आंब्याच्या झाडावर फळ येताच एकाएका फळाला जाळीदार कपडय़ांनी बांधले जाते. या आंब्याच वजन सुमारे 350 ग्रॅमपर्यंत असते. म्हणजेच केवळ 700 ग्रॅम म्हणजेच दोन आंब्यांची किंमत अडीच लाख रुपयांहून अधिक असल्यास एक किलोसाठी सुमारे 3 लाख रुपयांहून अधिक रक्कम खर्च करावी लागणार आहे. 2017 मध्ये या आंब्याच्या एका जोडीचा लिलाव करण्यात आला होता, ज्यात विक्रमी 3600 डॉलर्स म्हणजेच सुमारे 2 लाख 72 हजार रुपयांमध्ये आंबा विकला गेला होता.