सईद मुश्ताक अली टी-20 स्पर्धा
नवी दिल्ली / वृत्तसंस्था
सईद मुश्ताक अली टी-20 क्रिकेट स्पर्धेत कर्नाटक व तामिळनाडू संघांनी अंतिम फेरीत धडक मारली. शनिवारी झालेल्या पहिल्या उपांत्य सामन्यात कर्नाटकने रोहन कदमच्या 56 चेंडूतील 87 धावांच्या झंझावाती खेळीनंतर बंगालवर 4 धावांनी रोमांचक विजय प्राप्त केला तर दुसऱया उपांत्य लढतीत विद्यमान विजेत्या तामिळनाडूने हैदराबादचा 8 गडी राखून धुव्वा उडवला. रोहनसाठी 27 डावातील हे 9 वे अर्धशतक आहे. त्याने 36 चेंडूत अर्धशतक साजरे केले आणि त्यानंतर आणखी आक्रमक पवित्र्यावर भर दिला. कर्नाटक-तामिळनाडू यांच्यात जेतेपदासाठी उद्या (सोमवार दि. 22) फायनल होणार आहे.