बेळगाव : धर्मस्थळ ग्राम अभिवृद्धी योजना, धर्मस्थळ समुदायतर्फे अनगोळ परिसरातील दिव्यांग व्यक्तींना तसेच वेगवेगळ्य़ा क्षेत्रात उत्तम कार्य केलेल्या व्यक्तींचा सत्कार करण्यात आला. या कार्यक्रमाला प्रमुख पाहुणे म्हणून रहदारी विभागाचे एसीपी शरणाप्पा, नगरसेवक श्रीशैल कांबळे, चेतन हणमण्णावर उपस्थित होते.
प्रारंभी वैशाली यांनी स्वागत केले. त्यानंतर पाहुण्यांच्या हस्ते दीपप्रज्वलन करण्यात आले. धर्मस्थळ जिल्हा संचालक प्रदीप यांनी संघाच्या कार्याची माहिती दिली. दिव्यांग व्यक्तींना विनामूल्य व्हीलचेअर, आरोग्य संरक्षण अनुदान तसेच गरीब विद्यार्थ्यांना आर्थिक मदत यावेळी केली आहे. कार्यक्रमाचे सूत्रसंचालन ज्ञानविकास समन्वय अधिकारी सुरेखा कोळी यांनी केले. किशोर तोरकर यांनी आभार
मानले.