येस्क : रशियाच्या येस्क शहरातील नागरी वस्तीत एक सैन्य विमान दुर्घटनाग्रस्त झाले आहे. या दुर्घटनेत 3 मुलांसह किमान 13 जणांना जीव गमवावा लागला आहे. घटनास्थळावरील अवशेष हटविण्याचे काम पूर्ण झाल्यावर 10 मृतदेह हाती लागले आहेत. यातील 3 मृतदेह हे मुलांचे आहेत. बचाव मोहिमेदरम्यान सुमारे 360 जणांना सुरक्षितस्थळी हलविण्यात आले असून या दुर्घटनेत 68 जण गंभीर जखमी झाले आहेत. रशियाचे सुखोई-34 सुपरसोनिक लढाऊ-बॉम्बवर्षक विमान येस्क शहरातील एका इमारतीवर कोसळले. विमानाच्या इंजिनने पेट घेतल्याने दुर्घटना घडली.