प्राचीन मुद्राशास्रातील पृष्ठमुद्रा ही मुद्रा सहजासनात बसून 15 मिनिटे करायची असते. यासाठी उजव्या हाताची मध्यमा व कनिष्ठिका यांच्या टोकांना अंगठय़ाने जुळवावे आणि तर्जनी व अनामिका सरळ लांब ठेवावी; तर डाव्या हाताच्या तर्जनीच्या नखावर अंगठय़ाचा पहिला सांधा किंचित जोर देऊन ठेवावा.
फायदे काय?
बागकाम, झाडझूड अशा प्रकारच्या पाठीवर ताण पडणार्या कामांमुळे पाठदुखी सुरू झाली असता ही मुद्रा करावी. बिनहाताच्या खुर्चीवर स्टुलावर पाय ठेवून मांडय़ा कमरेपासून काटकोनात ठेवून उताणे झोपून ही मुद्रा केली असता दोन मणक्यांमधील गादीला आराम मिळून दुखणे कमी होते.