ऑनलाईन टीम / नवी दिल्ली :
भारतात मागील साडेपाच महिन्यातील सर्वात निच्चांकी कोरोना रुग्णवाढ नोंदवण्यात आली आहे. सोमवारी देशात 16 हजार 432 नवे कोरोनाबाधित रुग्ण आढळून आले. तर 252 रुग्णांचा मृत्यू झाला. देशातील एकूण कोरोनाबाधितांची संख्या 1 कोटी 02 लाख 24 हजार 303 वर पोहचली असून, मृतांची एकूण संख्या 1 लाख 48 हजार 353 एवढी आहे.
सोमवारी 24,900 रुग्ण कोरोनामुक्त झाले असून, त्यांना डिस्चार्ज देण्यात आला. सध्या देशात 2 लाख 68 हजार 581 ॲक्टिव्ह कोरोना रुग्ण असून, त्यांच्यावर रुग्णालयात उपचार सुरू आहेत. आतापर्यंत 98 लाख 07 हजार 569 रुग्ण या आजारातून पूर्णपणे बरे झाले आहेत.
देशात आतापर्यंत 16 कोटी 98 लाख 01 हजार 749 नमुन्यांची तपासणी करण्यात आली. त्यामधील 9 लाख 83 हजार 695 कोरोना चाचण्या सोमवारी (दि.28) करण्यात आल्या.