वृत्तसंस्था/ मियामी
एटीपी टूरवरील येथे सुरू झालेल्या मियामी खुल्या पुरुषांच्या आंतरराष्ट्रीय टेनिस स्पर्धेत गुरुवारी पुरुष एकेरीच्या पहिल्या फेरीतील सामन्यात ब्रिटनच्या जॅक डेपरने प्रकृती नादुरुस्तीमुळे स्पर्धेतून माघार घेतली. टेनिस कोर्टवर खेळताना डेपर अचानक खाली कोसळला. त्याला येथील दमट आणि उष्ण हवामानामुळे काही वेळ मूर्च्छा आली होती.
19 वषीय जॅक डेपरला या स्पर्धेत वाईल्डकार्डद्वारे प्रवेश देण्यात आला होता. कझाकस्तानचा कुकूशिखीन आणि ड्रेपर यांच्यात पहिल्या फेरीचा सामना आयोजित केला होता. या सामन्यात कुकूशिखीनने 6-5 अशी आघाडी घेतली असताना डेपर अचानकपणे कोर्टवर खाली कोसळला. कुकूशिखीनने हा पहिला सेट 7-5 असा जिंकल्यानंतर डेपरने या सामन्यातून माघार घेतली.