झेक प्रजासत्ताकमधील धनाढय़ाचा मृतांमध्ये समावेश
एंकरेज / वृत्तसंस्था
अमेरिकेच्या अलास्का प्रांतात सोमवारी एक हेलिकॉप्टर दुर्घटनाग्रस्त झाले. ग्रामीण भागात झालेल्या या दुर्घटनेत हेलिकॉप्टरच्या पायलटसह इतर 4 जण ठार झाले. मृतांमध्ये झेक प्रजासत्ताकातील सर्वात श्रीमंत व्यक्तीचाही समावेश आहे. केलनर असे संबंधिताचे नाव असून फोर्ब्सने 2020 मध्ये जाहीर केलेल्या धनाढय़ांच्या यादीत त्यांचा समावेश होता. त्यांच्या नावावर तब्बल 17 अरब डॉलर इतकी संपत्ती आहे. ते आपल्या सहकाऱयांसमवेत हवाई सफरीवर गेले असता ही भीषण दुर्घटना घडली आहे.