प्रतिनिधी / करमाळा
देशातील कोरोनाचा प्रादुर्भाव वाढल्याने जिल्हाधिकारी मिलिंद शंभरकर यांचे आदेशानुसार करमाळा शहरांतील व्यापारी यांची कोरोना चाचनी दिनांक १एप्रिल ते ५ एप्रिल या काळात जूनी नगरपालिका इमारत पुणे रोड येथे सकाळी १० ते १२ या वेळेत होणार आहे.
सदर चाचणी केलेनंतर त्याचा चाचणी अहवाल देण्यात येणार असून तो अहवाल दुकानाच्या दर्शनी भागावर लावणे बंधनकारक आहे.तरी शहरातील सर्व व्यापारी ,फळे विक्रेते, भाजी विक्रेते ,फेरीवाले’, टपरीधारक, सलून धारक ,ब्युटी पार्लर धारक,यांनी कारोना चाचणी करून घ्यावी असे आवाहन प्रांताधिकारी ज्योती कदम, तहसिलदार समीर माने, मुख्याधिकारी वीणा पवार यांनी केले आहे.
याचबरोबर करमाळा शहरातील सर्व कार्यालयातील,पोलीस,बँक,नगरपरिषद,पंचायत समिती ,पोस्ट,कृषिउत्पन्न बाजार समिती,वीज वितरण ,सर्व शाळा व कॅालेज कर्मचारी यांनी देखील कोरोना चाचणी करणे अनिवार्य आहे. कोरोना चा वाढता संसर्ग रोकणे कामी कोरोणा चाचणी करणे व बाधित रूग्णास लवकरात लवाकर उपचार देणे याकरीता सदर कोरोणा चाचणी शिबीर आयोजीत करण्यात आले असल्याचे सांगितले.