सकाळी 9 वाजून 10 मिनिटाला जाणवला धक्का
वार्ताहर/ ताम्हाणे
तौक्ते चक्रीवादळाच्या तडाख्यानंतर आता वातावरणात बदल झाला आहे. दोन दिवस पावसाचा जोर होता. शुक्रवारी, शनिवारी चांगले ऊन पडले असतानाच रविवारी सकाळी 9 वाजून 10 मिनिटांनी संगमेश्वर तालुक्यातील देवरुख, साडवली परिसराला भूकंपाचा सौम्य धक्का बसला.
हा धक्का विशेष करुन उंच इमारतीत राहणाऱया नागरिकांना तत्काळ जाणवला. काही घरात भांडी ठेवण्याचे रॅक हलल्याने भांडय़ांच्या आवाजाने नागरिकांना भूकंप झाल्याची जाणीव झाली. भूकंपाची तीव्रता मोठी नसली तरी तो नागरिकांना जाणवला. भूकंपामुळे काही काळ नागरिक धास्तावले होते.