इस्लामाबाद / वृत्तसंस्था
पाकिस्तानचे माजी पंतप्रधान आणि पीटीआय प्रमुख इम्रान खान यांच्याविरोधात अटक वॉरंट जारी करण्यात आले आहे. जिओ न्यूजच्या वृत्तानुसार, इम्रान खान यांनी 20 ऑगस्ट रोजी अतिरिक्त जिल्हा आणि सत्र न्यायाधीश जेबा चौधरी यांच्याबद्दल टिप्पणी केली होती. याच प्रकरणात इस्लामाबादमधील मरगल्ला पोलीस ठाण्याच्या न्यायदंडाधिकारी यांनी हा आदेश दिला आहे. त्यांनी न्यायालयीन यंत्रणेसंबंधी केलेले वक्तव्य खेदजनक असल्याचेही न्यायालयाने म्हटले आहे. याप्रकरणी आता त्यांना न्यायालयासमोर येण्याची गरज भासणार आहे.