श्रीनगर : जम्मू-काश्मीरच्या उधमपूरमध्ये 8 तासांत प्रवासी बसमध्ये स्फोट होण्याच्या दोन दुर्घटना घडल्या. पहिला स्फोट डोमेल चौकातील पेट्रोल पंपाजवळ उभ्या असलेल्या रिकाम्या बसमध्ये बुधवारी रात्री 10.30 वाजण्याच्या सुमारास झाला. यामध्ये दोन जण जखमी झाले असून, त्यांना जिल्हा रुग्णालयात दाखल करण्यात आले आहे. त्यानंतर याच परिसरात गुरुवारी सकाळी सहा वाजता दुसरा स्फोट झाला. या स्फोटात कोणीही जखमी झाले नाही. उधमपूर पोलीस आणि इतर यंत्रणा घटनास्थळी पोहोचल्या असून या प्रकरणाचा तपास करत आहेत.