बेळगाव : गोवावेस येथील दत्त मंदिरापासून तिसरे रेल्वेगेटपयर्तिं रस्त्याचे काँक्रिटीकरण सुरू आहे. काँक्रिटीकरण केल्यानंतर त्यावर बारदान घालण्यात आले होते. परंतु, मागील दोन दिवसांत झालेल्या पावसामुळे त्या बारदानांचा चिखल झाला असून त्यावरून वाहने घसरून अपघात होत आहेत. रात्रीच्यावेळी तर बारदानांचा चिखल ?ष्टीस न पडल्याने अनेक अपघात झाले असून रस्त्याची स्वच्छता करावी, अशी मागणी वाहनचालकांमधून केली जात आहे. शहरातील रस्त्यांचे टप्प्याटप्प्याने काँक्रिटीकरण केले जात आहे. शहराच्या दक्षिण भागातील गोवावेस येथील बसवेश्वर चौकापासून तिसरे रेल्वेगेटपयर्तिं एका बाजूचे काँक्रिटीकरण महिनाभरापूर्वी पूर्ण झाले. आता दुसऱ्या बाजूचे काँक्रिटीकरण केले जात आहे. दत्त मंदिरपासून तिसरे रेल्वेगेटपयर्तिं काँक्रिटीकरण केल्यानंतर त्यावर बारदान पसरण्यात आले. काँक्रीट सुकू नये यासाठी त्या बारदानावर पाणी मारले जात आहे. परंतु, मागील दोन दिवसांत झालेल्या जोरदार पावसामुळे त्या बारदानांचा चिखल झाला. वेगाने आलेली वाहने या बारदानांच्या चिखलामध्ये अडकून पडत आहेत. तसेच ब्रेक लावल्यास वाहने घसरून पडत आहेत. यामुळे आतापयर्तिं अनेक अपघात घडले असून अनेकजण जायबंदी झाले आहेत. त्यामुळे या मार्गाची स्वच्छता करून वाहनचालकांना रस्ता मोकळा करून देण्याची मागणी केली जात आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
