सरोदे कॉलनी-हिंदवाडी येथे घटना
प्रतिनिधी /बेळगाव
झाडाशेजारी रिक्षा लावून घरात गेले असता अचानक जांभूळ झाड रिक्षावर कोसळले. त्यामध्ये रिक्षाचे मोठे नुकसान झाल्याची घटना सरोदे कॉलनी, हिंदवाडी येथे घडली आहे. यामध्ये जवळपास 90 हजारांहून अधिक रुपयांचे रिक्षाचे नुकसान झाले आहे.
अंकुश वसंतराव पवार यांनी अलीकडेच नवीन रिक्षा घेतली होती. त्यांनी केए 22 बी 4143 ही रिक्षा घराशेजारीच उभी केली होती. त्यावेळी पावसामुळे अचानक जांभळाचे झाड उन्मळून पडले. हे झाड रिक्षावरच कोसळल्याने रिक्षाचा अक्षरशः चक्काचूर झाला. या गरीब रिक्षाचालकाला नुकसानभरपाई द्यावी, अशी मागणी होत आहे.