बेळगाव : सोमवारी सायंकाळी रघुनाथ पेठ, अनगोळ येथील चव्हाटा देवस्थानात गल्लीतील युवक, महिला व नागरिकांच्यावतीने दीपोत्सव व भजनाचा कार्यक्रम आयोजित करण्यात आला होता. यावेळी मंदिर परिसरात रांगोळी, दिव्यांची सुंदर आरास करण्यात आली होती. सायंकाळी भाविकांच्या उपस्थितीत आरती करण्यात आली.
भाविकांच्या हस्ते शेकडो दिवे लावून प्रसादाचे वाटप करण्यात आले. गावातील स्थानिक कलाकार यांच्यावतीने सुमधूर भक्तिगीतांचा कार्यक्रम करण्यात आला. यावेळी रघुनाथ पेठ येथील नागरिक व भक्त मोठ्या संख्येने उपस्थित होते.