Kolhapur Jaggery Market Yard Closed : शाहू मार्केट यार्ड गूळ बाजारपेठेत आज पुन्हा गूळ सौदे बंद पाडले.काल सायंकाळपासून गुळाचे सौदे बंद करण्यात आले आहेत. ५० टक्के मजुरी वाढच्या मागणीसाठी माथाडी कामगारांनी काम बंद आंदोलन सुरू केले. परिणामी यंदाच्या गूळ हंगामात दोन महिन्यांत दुसऱ्यांदा गूळ सौदे बंद पडले. त्यामुळे सौदे बंदची टांगती तलवार कायम आहे.दरम्यान, बाजार समितीने काल सायंकाळी पाच वाजता माथाडी कामगारांची बैठक घेत तोडगा काढण्याचा प्रयत्न केला;मात्र माथाडी कामगार मागणीवर ठाम राहिल्याने चर्चा फिस्कटली.त्यामुळे आज पुन्हा गुळ सौदे बंद पाडले.
५० टक्के मजुरीवाढीवर माथाडी ठाम
माथाडी कामात गूळ रव्यांची भरणी उतरणी,तोलाई,पॅकिंग,थप्पी लावण्यासाठी मजुरी दर माथाडी बोर्ड,बाजार समितीने निश्चित केले आहेत.त्यानुसार ३० किलोच्या रव्यांसाठी ६ रुपये ५८ पैसे सध्या मजुरी मिळते.यात ५० टक्के वाढ करावी,पुढील तीन वर्षांसाठी वाढ असावी,अशी मागणी माथाडींनी केली आहे. ही मागणीची अवास्तव असून, ती मान्य करणे अशक्य असल्याचे व्यापाऱ्यांसह सर्वांनी सांगितले.त्यामुळे बैठकीत तोडगा निघाला नाही.
Previous Articleकर्नाटकने वर्षभरापूर्वीच वळविले पाणी
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.