चंदूर वार्ताहर
रुई येथे काल म्हसोबा माळ येथील कमलाकर गल्लीमध्ये झालेल्या हाणामारीत प्रकाश लक्ष्मण माने ( वय 66 ) यांचा मृत्यू झाला आहे. रुई येथीलच संशयित आरोपी मारुती सिद्धू चंपू (वय 45)सेंट्रींग कॉन्ट्रॅक्टर आहेत. त्यांच्याकडे विनोद प्रकाश माने हा कामाला येतो म्हणून रुपये 32 हजार इतका ऍडव्हान्स घेतला होता. पैसे घेऊनही आठ दिवसापासून कामावर येण्यास टाळाटाळ करत असल्याचे पाहून संशयित आरोपीने त्याचा जाब विचारण्यासाठी प्रकाश माने यांच्या घरी गेला असता दोघांमध्ये वादावादी होऊन हाणामारी झाली. संशयित आरोपीने विनोद यांना लाथाबुक्क्यांनी मारहाण करत असल्याचे पाहून त्याचे वडील प्रकाश लक्ष्मण माने हे भांडण सोडविण्यास गेले व संशयित आरोपीनी त्यांनाही धक्काबुक्की केली त्यामुळे ते फरशीवर पडून जागीच मयत झाले. याबाबत नातेवाइकांनी हातकणंगले पोलिस ठाण्यात तक्रार दाखल केली आहे. घटनास्थळी पोलिस उपाधीक्षक बी.बी. महामुनी, पोलीस निरीक्षक के. एन. पाटील, बीट अंमलदार सुरजीत चव्हाण,पोलीस पाटील नितेश तराळ आदींनी भेट देऊन पाहणी केली व पंचनामा करून गुन्हा दाखल करण्यात आला.