क्रीडा प्रतिनिधी /बेळगाव
हुबळी येथे शरणय्या हुबळी मठ आयोजित राज्यस्तरीय पिता-पूत्र बॅडमिंटन स्पर्धेत बेळगावच्या लक्ष्मीकांत व साईश नेतलकर या जोडीने पुरुष गटात दुहेरीत तिसरा क्रमांक पटकाविला.
हुबळी येथे झालेल्या या स्पर्धेत पिता-पूत्र राज्यस्तरीय बॅडमिंटन स्पर्धेत बेळगावच्या लक्ष्मीकांत नेतलकर व साईश नेतलकर या जोडीने उपांत्यपूर्व फेरीत रमेश व आर्यन हुबळी या जोडीचा 30-15 अशा गुणफरकाने पराभव करुन उपांत्यफेरीत प्रवेश केला. मात्र उपांत्यफेरीत गदगच्या प्रीत व राजेश या जोडीकडून 30-28 अशा गुणफरकाने पराभव पत्कारावा लागला. पण तिसऱ्या क्रमांकासाठी खेळविण्यात आलेल्या सामन्यात लक्ष्मीकांत व साईश यांनी विजय मिळवून तिसरा क्रमांक मिळविला. त्यांना मान्यवरांच्या हस्ते चषक, पदक व रोख रक्कम देण्यात आले.