गणपती बप्पा मोरयाचा गजर, फटाक्यांची आतषबाजी
कोल्हापूर प्रतिनिधी
छत्रपती शिवाजी महाराज चौकातील शिवाजी चौक तरुण मंडळाचा 21 फुटी कोल्हापूरचा महागणपती मंगळवारी सायंकाळी गणेशभक्तांना दर्शनासाठी खुला करण्यात आला. वरीष्ठ पोलीस निरीक्षक तानाजी सावंत, सेवानिवृत्त पोलीस उपअधीक्षक आर. आर. पाटील, पोलीस हवालदार नामदेव यादव यांच्या हस्ते गणेशमुर्ती अनावरण सोहळा झाला. ठाणे, मुंबई येथील प्रिया नंदकिशोर पाटील यंदाच्या गणेशमुर्तीच्या मानकरी आहेत. गणेशमुर्ती अनावरण सोहळ्यानंतर उपस्थित गणेशभक्तांनी गणपती बप्पा मोरया, मंगलमुर्ती मोरयाचा अखंड गजर केला. यावेळी फटाक्यांची आतषबाजी करण्यात आली. यावेळी मंडळाचे संस्थापक अध्यक्ष नंदकुमार वळंजू, उत्सवसमिती अध्यक्ष प्रसाद वळंजू, गणेश वळंजू आदींसह मंडळाचे पदाधिकारी, कार्यकर्ते मोठ्यासंख्येने उपस्थित होते.
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.