जर तुम्हालाही संध्याकाळच्या चहासोबत काहीतरी गरमा गरम आणि चटपटीत खायचं असेल तर तुम्ही हा टेस्टी मूग डाळ समोसा ट्राय करु शकता. या समोशाची ही रेसिपी खायला खूप चविष्ट तर आहेच पण बनवायलाही खूप सोपी आहे. चला तर मग जाणून घेऊया टेस्टी आणि हेल्दी मूग डाळ समोसा कसा बनवायचा.
साहित्य
२ कप मैदा
१ चमचा मीठ
२ चमचे तेल
पाणी
सारणासाठी साहित्य
३ वाट्या धुतलेली मूग डाळ (३-४ तास पाण्यात भिजवून ठेवा)
३ चमचे गरम मसाला
३ चमचे लाल तिखट
२ चमचे बडीशेप पावडर
२ चमचे धने पावडर
१ १/२ चमचा आमचूर पावडर
२ चमचे तेल
१ चमचा जिरे
चिमूटभर हिंग
चवीनुसार मीठ
कृती
सर्वप्रथम मूग डाळ समोसाचे सारण बनवण्यासाठी प्रथम मूग डाळ बारीक वाटून घ्या. आता एका पॅननध्ये २ चमचे तेल गरम करा आणि त्यात जिरे आणि हिंग घाला. तडतडायला लागल्यावर त्यात डाळ घाला आणि बाकीचे साहित्य घाला. हे मिश्रण मंद आचेवर भाजून घ्या. पूर्ण शिजल्यावर ते तव्याला चिकटणार नाही. मिश्रण गॅसवरून काढा आणि थंड होण्यासाठी बाजूला ठेवा.
आता एका परातीमध्ये मैदा मीठ आणि तेल घालून पाण्याच्या मदतीने मळून घ्या. आता ते पीठ १५ मिनिटे बाजूला ठेवा. आता पिठाचे छोटे छोटे गोळे करून गोलाकार लाटून अर्धे कापून घ्या. आता एक तुकडा घ्या आणि त्याच्या काठावर थोडेसे पाणी लावा आणि त्याचा शंकूच्या आकार करा. वरचा भाग चांगला दाबा आणि फिलिंग भरल्यानंतर बंद करा. समोसे तळण्यापूर्वी तेल पूर्णपणे गरम असावे. समोसे तेलात टाकल्यानंतर आच मंद करा आणि सोनेरी होईपर्यंत तळा.
Previous Articleकाळ्या अंडरआर्म्स घालवण्यासाठी हे आहेत घरगुती उपाय
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.