वृत्तसंस्था/ बर्मिंगहम
भारतीय संघाचा कर्णधार रोहित शर्माला कोरोनाची लागण झाली असल्याचे रॅपिड अँटिजेन टेस्टमध्ये आढळून आल्यानंतर त्याला सहा दिवसासाठी आयसोलेशनमध्ये ठेवण्यात आले असल्याचे बीसीसीआयने रविवारी सांगितले.
भारत व इंग्लंड यांच्यात लांबणीवर पडलेली पाचवी कसोटी 1 जुलैपासून येथे होणार असून रोहित पूर्ण फिट झाल्यास तो या कसोटीत खेळू शकेल. तो उपलब्ध न झाल्यास रिषभ पंत किंवा जसप्रित बुमराह या सामन्यात संघाचे नेतृत्व करेल. भारत व लिसेस्टरशायर यांच्यातील सराव सामन्यात रोहितने पहिल्या दिवशी फलंदाजी केली होती. पण दुसऱया दिवशी तो मैदानात उतरला नव्हता. याशिवाय भारताच्या दुसऱया डावातही त्याने फलंदाजी केली नाही.