अर्चना बनगे, प्रतिनिधी
Makar Sankranti 2023 : महाराष्ट्रासह अन्य प्रदेशात मकर सक्रातीचा सण 15 जानेवारी रोजी साजरा केला जातो. या दिवशी सूर्य मकर राशीत प्रवेश करतो.मकर संक्रांतीपासूनच ऋतू बदलण्यास सुरुवात होते. भारतातील विविध प्रदेशात हा सण स्थानिक मान्यतेनुसार मोठ्या थाटामाटात साजरा केला जातो. मकर संक्रांतीला सूर्य दक्षिणायनपासून उत्तरायणच्या प्रवासाला सुरुवात करतो.या दिवशी दान आणि दक्षिणा याला विशेष महत्त्व आहे. असे मानले जाते की मकर संक्रांतीच्या दिवशी दान केल्याने व्यक्तीला अनेक प्रकारचे लाभ मिळतात.पौराणिक मान्यतेनुसार या दिवशी ग्रहांचा राजा सूर्यदेव आपला मुलगा शनिदेवाला भेटायला येतो. सूर्य-शनिशी संबंधित रंजक गोष्टीबद्दल आज आपण जाणून घेणार आहोत.
सूर्य-शनिशी संबंधित पौराणिक कथा
मकर संक्रांतीशी संबंधित शनिदेव आणि सूर्यदेव यांची पौराणिक कथा आहे. या कथेनुसार देवी पुराणात सांगितले आहे की, जेव्हा सूर्यदेव पहिल्यांदा आपला मुलगा शनिदेवाला भेटायला गेले तेव्हा शनिदेवाने त्यांना काळे तीळ अर्पण केले आणि त्याद्वारेच त्यांची पूजा केली.यावर सूर्यदेव खूप प्रसन्न झाले.सूर्याने शनीला आशीर्वाद दिला की जेव्हा तो मकर राशीत आपल्या घरी येईल तेव्हा त्याचे घर संपत्तीने भरून जाईल.तेव्हापासून मकर संक्रांत साजरी केली जाते.
मकर संक्रांतीला या गोष्टींचे महत्त्व आहे
-मकर संक्रांतीच्या दिवशी आंघोळीपूर्वी काहीही खाऊ नये किंवा पिऊ नये.
-मकर संक्रांतीच्या दिवशी तिळाचे दान करणे लाभदायक मानले जाते. या दिवशी काळे तीळ दान केल्याने शनिदेवाची साडेसाती कमी होते असं म्हटलं जातं.
-मकर संक्रांतीच्या दिवशी सूर्यदेवाची पूजा काळ्या तीळाने केली जाते.
-या दिवशी तुमच्या घरी कोणी भिकारी,साधू,वृद्ध किंवा असहाय व्यक्ती आल्यास त्याला कधीही रिकाम्या हाताने जाऊ देऊ नका.
-मकर संक्रांतीच्या दिवशी सूर्यदेवाच्या उपासनेला विशेष महत्त्व आहे. या दिवशी त्याला प्रसन्न करण्यासाठी सूर्यदेवाच्या मंत्रांचा जप केला जातो.
Previous Articleपंतप्रधान मोदींसाठी बेळगावच्या चाहत्याची आगळी-वेगळी भेट
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.