ऑनलाईन टीम / काबुल :
अफगाणिस्तानच्या हवाई दलाने निमरोज प्रांतामध्ये शनिवारी रात्री केलेल्या एअरस्ट्राईकमध्ये 14 दहशतवादी मारले गेले आहेत. यापैकी 9 दहशतवादी पाकिस्तानी तर 5 दहशतवादी तालिबानी आहेत. या हल्ल्यात 18 अफगाण नागरिकही मारले गेले आहे. अफगाणिस्तानच्या गझनीमध्ये प्रांतीय परिषदेचे प्रमुख बाज मोहम्मद नासिर यांनी यासंदर्भात स्थानिक मीडियाला माहिती दिली आहे.
या हल्ल्यात मारले गेलेले 18 सामान्य नागरिक एकाच कुटुंबातील आहेत. त्यामध्ये 8 मुले, 7 महिला आणि 3 पुरुषांचा समावेश आहे. या मृतांचे नातेवाईक सरकारकडे न्यायाची मागणी करत 18 जणांचे मृतदेह घेऊन निमजोर प्रांताची राजधानी असलेल्या जारंज येथे पोहोचले आहेत.