वार्ताहर / जमखंडी
कोरोना नियंत्रणाकरिता आशा कार्यकर्त्या महत्त्वाची भूमिका बजावत असून त्यांना महिन्याला 12 हजार रुपये मानधन द्यावे, या मागणीकरिता रबकवी-बनहट्टी येथील आशा कार्यकर्त्यांनी रबकवी येथील विद्यानगरमधील समुदाय आरोग्य केंद्रासमोर निदर्शने केली. याचे नेतृत्व भारती शिरुर यांनी केले.
वैद्याधिकारी डॉ. एम. एन. नदाफ यांना मागणीचे निवेदन देण्यात आले. लक्ष्मी तळवार, सखुबाई पुजारी, शोभा गुणकी, गीता अरगी, सविता औरसंग, कविता कडलीमट्टी, सविता बावलत्ती, कविता आलगूर, लक्ष्मी हळ्ळी, शिवलिला पाटील, पूजा अडवीतोट, यल्लव्वा डंकी आदींनी निदर्शनात भाग घेतला.