बेळगाव / प्रतिनिधी
कर्नाटक विधान परिषदेचे निवडणूक निकाल मंगळवारी आले यामध्ये २५ पैकी ११ जागा भाजपने जिंकल्या असून सत्ताधारी असलेल्या भाजपला वरिष्ठ सभागृहात बहुमतासाठी एक जागा कमी पडली या सभागृहात काँग्रेसनेही ११ जागांसह भाजपची बरोबरी साधली.
७५ सदस्यीय विधानपरिषदेत बहुमतासाठी ३८ संख्या आवश्यक आहे. हा आकडा गाठण्यासाठी भाजपला एका जागेची आवश्यकता असून भाजप आता ३७ जागांवर आहे. कर्नाटकचा प्रादेशिक पक्ष जेडी(एस) ला मोठा पराभव सहन करावा लागला, त्यांनी लढलेल्या सहा जागांपैकी फक्त दोन जागा जिंकण्यात जेडी(एस) ला यश आले. मुख्यमंत्री बसवराज बोम्माई यांनी हा “चांगला निकाल” असल्याचे सांगत सुटकेचा नि:श्वास सोडला. तथापि, जेडी(एस) कमकुवत होणे हे 2023 च्या विधानसभा निवडणुकीच्या शर्यतीमध्ये भाजपसाठी धोक्याचे सूचना आहे. विरोधी पक्षनेते सिद्धरामय्या म्हणाले की या निकालाने “काँग्रेस समर्थकांची लाट आली आहे”
२५ स्थानिक प्राधिकरणांच्या जागांपैकी भाजपने आपली संख्या ६ वरून ११ पर्यंत वाढवली आहे. बोम्मई म्हणाले. “आम्ही १३-१४ जागा जिंकू अशी अपेक्षा धरली होती. आम्ही पक्षांर्गत यावर चर्चा करू,” तो पुढे म्हणाला. म्हैसूर-चामराजनगर जागा मिळाली असती तर भाजपची संख्या १२ झाली असती. बेळगावच्या दुहेरी जागांवर सरकारचे चीफ व्हिप महांतेश कवटागीमठ यांचा पराभव झाल्याने भाजपला मोठा धक्का बसला आहे. बोम्माई म्हणाले, ” बेळगावमध्ये काय घडले ते आपण खरोखर पाहणे आवश्यक आहे.” या जागेवर कवठगीमठ निवडून आणण्याची तर दुसऱ्या जागेवर काँग्रेसचा पराभव करण्यासाठी अपक्ष उमेदवार लखन जारकीहोळी यांचा वापर करून भाजपच्या मतांमध्ये फूट पडल्याने भाजपचा डाव फसल्याचे दिसत आहे. लखन जारकीहोळी यांनी काँग्रेसच्या चन्नराज हत्तीहोळी यांच्यासोबत विजय मिळवला. लखन हा भाजप आमदार रमेश आणि बालचंद्र जारकीहोळी यांचा भाऊ आहे.