बेंगळूर/प्रतिनिधी
कर्नाटकात कोरोना बाधितांची संख्या वाढत असताना एक महत्वाची बाबा म्हणजे अखेरीस आरोग्य विभागाने एक लाख लोकांच्या कोरोना तपासणीचे लक्ष्य गाठले आहे. वैद्यकीय शिक्षणमंत्री डॉ. के सुधाकर यांनी, मंगळवारी राज्यात १,०४,३३८ लोकांची तपासणी झाली असल्याचे म्हंटले आहे.
मंत्री सुधाकर यांनी राज्यातील तीस जिल्ह्यांमध्ये मंगळवारी एका लाखाहून अधिक लोकांची चौकशी करण्यात आली असल्याची माहिती ट्विटच्या माध्यमातून दिली आहे. सुधाकर यांनी ही संख्या लवकरच दीड लाखांवर जाईल असे म्हंटले आहे.
मंगळवारी राज्यात ९,९९३ नवीन रुग्णांना कोरोनाची लागण झाली आहे. राज्यात सध्या १,१५,१५१ सक्रिय प्रकरणे असून आतापर्यंत ९,४६१ लोकांचा मृत्यू झाला आहे.