प्रतिनिधी / पणजी
गोव्याचे माजी महसूल मंत्री आणि अपक्ष आमदार रोहन खवंटे यांना बुधवारी मध्यरात्रीनंतर पोलिसांनी अटक केली. भाजपचे प्रवक्ते प्रेमानंद म्हाम्बरे यांना धमकी दिल्याप्रकरणी पर्वरी पोलिसांनी त्यांना अटक करून पहाटे जामिनावर त्यांची सुटका केली. गोवा विधानसभेचे सध्या अर्थसंकल्पीय अधिवेशन सुरू आहे. अधिवेशन काळात आमदाराला अशा कथित धमकी प्रकरणी अटक होण्याची ही गोव्यातील अलीकडील काळातील पहिलीच वेळ आहे. आपण विधानसभा प्रकल्पात बुधवारी सायंकाळी मुख्यमंत्री सावंत यांना भेटण्यासाठी गेलो असता आमदार रोहन खवंटे यांनी प्रकल्पातील वाटेतच आपल्याला धमकावले अशी तक्रार भाजपचे प्रवक्ते प्रेमानंद म्हाम्बरे यांनी बुधवारी रात्री पोलिसात केली होती. आपण पत्रकार परिषद घेऊन आमदार खवंटे यांच्यावरील मालमत्ता विषयी बोललो होतो. ते पणजीतील त्यांच्या कंपन्यांच्या कार्यालयाबाबत महापालिकेला फक्त पाचशे रुपये जमा करतात असे मी म्हटले होते, याविषयी खवंटे यांनी मला धमकावले माझा हात यांनी पकडला व तुमच्या आई–वडिलांपासूनच्या मालमत्ता मी पाहून घेतो ,असे खवंटे मला बोलले. अशी तक्रार म्हाम्बरे यांनी सभापतींकडे केली व पोलीसातही धाव घेतली होती. भाजपचे प्रदेशाध्यक्ष सदानंद तानावडे यांनी रात्री पत्रकार परिषद घेऊन व सरकारने कारवाई करावी अशी मागणी केली होती. खवंटे यांची दादागिरी जास्त झाली म्हणूनच त्यांना मंत्रिमंडळातून अलीकडेच वगळण्यात आल्याचे तानावडे म्हणाले होते. भाजपचा आक्रमक पवित्रा पाहता खवंटे यांना पोलिस अटक करतील असे संकेत मिळू लागले होते. सभापतींच्या परवानगीनंतर पोलिसांकडून रात्री उशिरा त्यांना अटक झाली. आज गुरुवारी अधिवेशनात हा विषय गाजण्याची शक्यता आहे.
Trending
- सरकारच्या चुकीच्या धोरणामुळे शेतकरी प्रचंड अस्वस्थ? : संभाजीराजे छत्रपती
- राजकीय नेत्यांसह सर्वसामान्यांच्या घेतल्या छत्रपतींनी भेटीगाठी
- ”पाकिस्तानने बांगड्या भरल्या नाहीत, त्यांच्याकडेही अणुबॉम्ब”; फारुख अब्दुल्ला यांचे वादग्रस्त विधान
- पन्हाळा-शाहूवाडी तालुक्यातून मताधिक्य देणार : आमदार विनय कोरे
- मुबलक पाणी, यंत्रमाग वीजदर सवलत ऑनलाईनची अट रद्द करणार : मुख्यमंत्री एकनाथ शिंदे
- धैर्यशील माने यांना मोठ्या मताधिक्याने विजयी करा : वैदांतिका माने यांचे आवाहन
- महायुतीच्या पदयात्रेला तुफान प्रतिसाद…वाठार ते शिरोली मोटर सायकल रॅली
- शाहू महाराजांची या वयात होणारी ससेहोलपट काँग्रेसचेच पाप- चंद्रदीप नरके