नवी दिल्ली
मोटोरोला कंपनीचा ‘मोटो जी 9 पॉवर’ हा नवा स्मार्टफोन मंगळवार 8 डिसेंबर 2020 रोजी बाजारात दाखल होणार आहे. हा फोन फ्लिपकार्टवर खरेदीसाठी उपलब्ध होणार असल्याचे सांगण्यात येते. परंतु या स्मार्टफोनच्या किंमतीबाबत स्पष्टता मात्र अद्याप करण्यात आलेली नाही. युरोपमध्ये दाखल केलेल्या या फोनची किंमत 17 हजार 400 रुपये इतकी असल्याचे समजते. मोटो जी 9 पॉवर हा अँड्रॉइड 10 वर चालणारा असून 6.8 इंचाचा डिस्प्ले, क्वालकॉम स्नॅपड्रगन 662 प्रोसेसर व 4 जीबी रॅम तसेच 128 जीबी स्टोरेजची सुविधा या फोनमध्ये असेल. 6 हजार एमएएचची बॅटरी या फोनमध्ये आहे.