वजन कमी करण्यासाठी आहारातून कर्बोदकांचं प्रमाण कमी करण्याचा सल्ला दिला जातो. म्हणूनच अनेक जण ‘लो कार्ब डाएट’चा अवलंब करतात. काही फळं, भाज्या, धान्यं तसंच इतर पदार्थांमध्ये कर्बोदकांचं प्रमाण कमी असतं तर काहींमध्ये कर्बोदकं असतात. अशाच काही
कर्बोदकयुक्त पदार्थांविषयी…
- गोड आणि रसाळ आंबा बघितल्यावर कोणाच्याही तोंडाला पाणी सुटेल. यात पोटॅशियम, फायबर, अँटिऑक्सिडंट्स आणि ‘क’ जीवनसत्त्व असतं. मुबलक पोषक घटक असणार्या आंब्यात कर्बोदकंही असतात. 165 ग्रम आंब्यात जवळपास 28 ग्रम कर्बोदकं असतात.
- बरेच जण मनुका खातात. मनुका मुळातच गोड आणि त्वरित ऊर्जा देणारा सुक्यामेव्याचा प्रकार आहे. यात फायबरसह जीवनसत्त्वं आणि खनिजं मुबलक प्रमाणात असतात. हाडांच्या बळकटीसाठी तसंच पचनशक्ती सुधारण्यासाठी मनुकांचं सेवन केलं जातं. मनुकांमध्ये कर्बोदकंही असतात. 28 ग्रम मनुकांमध्ये 22 ग्रम कर्बोदकं असतात.
- केळं हे ऊर्जादायी फळ आहे. यात फायबर, पोटॅशियम, बी 6 जीवनसत्त्व तसंच इतरही घटक असतात. एका मध्यम आकाराच्या केळ्यात 27 ग्रम कर्बोदकं असतात.
- सध्या क्यूनोआ नावाचं धान्य लोकप्रिय ठरतंय. वजन कमी करण्यासाठी हे धान्य खाण्याचा सल्ला दिला जातो. क्यूनोआ हा ब्रेडला चांगला पर्याय ठरू शकतो. पण यात भरपूर
कर्बोदकं असतात. 100 ग्रम क्यूनोआमध्ये 21.3 ग्रम कर्बोदकं असतात. - दह्यामध्येही
कर्बोदकांचं प्रमाण बरंच जास्त असतं. 245 गॅम दह्यात 47 ग्रम कर्बोदकं असतात. - विविध प्रकारच्या बीन्समध्येही कर्बोदकांचं प्रमाण बरंच जास्त असतं.
- दूध हा आपल्या आहारातला अत्यंत पोषक घटक आहे. हाडांना बळकटी देण्यासाठी दूध प्यायला हवं. मात्र यात कर्बोदकंही भरपूर असतात. 240 मिलीलिटर दुधात 12 ते 13 ग्रम कर्बोदकं असतात.