प्रतिनिधी / गडहिंग्लज
व्हॉट्सअॅपवर जातीय तेढ निर्माण केल्याप्रकरणी फिरोज मुस्ताक नाईकवाडे (रा. भडगाव), मुस्तफा साहेबलाल नाईकवाडे (रा. भडगाव) त्या दोघांच्या विरोधात गडहिंग्लज पोलिसात फिर्याद दाखल झाली आहे. ‘आम्ही भडगावकर’ या व्हॉट्सअप ग्रुपवर या दोघांनी तबलकी जमात निजामुद्दीन मरकजचे प्रमुख मौलाना साद कंदलावी यांना पाठिंबा देण्याच्या उद्देशाने आणि मुस्लिम समाजाच्या भावना भडकतील, क्षोभ निर्माण होईल असे लिखाण या ग्रुप ४ एप्रिल रोजी रात्री करण्यात आले आहे. याची फिर्याद भडगावचे पोलीस पाटील उदय भरमा पुजारी यांनी गडहिंग्लज पोलिसात दिली आहे. गडहिंग्लजचे पोलीस निरीक्षक प्रकाश गायकवाड यांनी भडगावला भेट देऊन त्याची माहिती घेतली आहे.
या दोघांच्या विरोधात विविध कलमाखाली गुन्हा नोंदवण्यात आला असून अधिक तपास हवालदार संभाजी कोगेकर हे करत आहेत.