मणेराजूरी / प्रतिनिधी
मणेराजूरीत गेल्या चार दिवसात चोरट्यांचा धुमाकूळ सुरु आहे. लॉक डाऊनमध्ये चोऱ्यांच्या घटनेने परिसरात एकच खळबळ उडाली आहे . गुरुवारी मध्यरात्री दोनच्या दरम्यान सांगली रोडवरील राहुल पवार यांच्या घरात चोरी करून चोरट्याने सोने -चांदीसह सुमारे पन्नास हजारांचा ऐवज लंपास केला तर दुसरीकडे हरिजन वस्तीत एकाच्या घराची कौले काढून चोरीचा प्रयत्न केला. तर तिसऱ्या घटनेत गावानजीक हणमंत जमदाडे यांच्या गोठयातील शेळी व बोकड ( सुमारे पंचवीस हजार रूपये ) लंपास केले तर गणेश तोडकर यांच्या दुकानचे शटर उचकटली आहे. तर या अगोदर खंडू पवार यांची स्प्लेंडर मोटारसायकल , गव्हाण रोडवरील ट्रॅकरची चाके असा चोरट्यांनी डल्ला मारला आहे . या सर्व घटनांचा तासगाव पोलीसांनी पंचनामा केला आहे. चोरटयांना तातडीने जेरबंद करावेे अशी मागणी ग्रामस्थांनी केली आहे.