पोलिस अधीक्षक तेजस्वी सातपुते यांचा आदेश
प्रतिनिधी/करमाळा
सोलापूर जिल्ह्यातील कोरोनाचा वाढता संसर्ग रोखण्यासाठी जिल्ह्याला जोडणारे 173 लहान व मोठे रस्ते बंद केले जाणार आहेत. यामध्ये करमाळा तालुक्यातील ३८ मार्गांचा समावेश आहे, अशी माहिती पोलिस अधीक्षक तेजस्वी सातपुते यांनी दिली आहे.
महाराष्ट्र पोलिस कायदा 1959च्या कलम 33 नुसार काल, शनिवार (दि.24) मध्यरात्रीपासून १ मे पर्यंत सोलापूर ग्रामीण जिल्ह्यातील आंतरजिल्हा व आंतरराज्य रस्ते बंद केले आहेत. जिल्ह्याच्या सरहद्दीवर असलेले 173 लहान मोठे रस्ते नागरिकांच्या जाण्या-येण्यासाठी व वाहतुकीसाठी बंद केले आहेत. त्यात करमाळ्यातील ३८ ठिकाणचे रस्ते आहेत. हे आपत्कालीन प्रसंगी व अत्यावश्यक सेवा व वैद्यकीय सेवा, सरकारने परवानगी दिलेले सर्व सेवा व सुविधा पुरविणाऱ्या आस्थापनाच्या वाहनांसाठी पर्यायी मार्ग म्हणून वापरता येणार आहेत, असे सातपुते यांनी आदेशात म्हटले आहे. १ मेपर्यंत ही वाहतूक बंद राहणार आहे.
करमाळा तालुक्यातील बंद केले हे रस्ते
कावळवाडी- बाभुळगाव, कावळवाडी- शिंपोरा, कावळवाडी- मानेवाडी, कावळवाडी- करपडी, रामवाडी- रेल्वेगेट ब्रिज- खानोटा, रामवाडी- बाभुळगाव, घरतवाडी- करपडी, कुंभारगाव- राशीन, सावडी- भराटे वस्ती- चिलवडी, सावडी- गाडे वस्ती- चिलवडी, गोरेवाडी- डोंबाळवाडी, कोर्टी- आळसुंदे, कोर्टी- गोरेवाडी- चिलवडी, हुलगेवाडी- डोबाळवाडी- कर्जत, लिंबेवाडी- फुंदेवाडी- शेगुड, रावगाव- डुकरेवाडी- शेगुड, वंजारवाडी- म्हाळंगी, वंजारवाडी ते डोंबाळवाडी, मोरवड ते डोंबाळवाडी, मोरवड ते महाळंगी, पुनवर- मसदपूर- लोणी, खडकी- दिघे, तरटगाव- कोकरवाडी, तरटगाव- जवळा, पाडळी- धोत्री- जवळा, पाडळी- जवळा- जामखेड, घारगाव- धोत्री, घारगाव- कोकरवाडी, वाघाचीवाडी- आलेश्वर, करंजे- आलेश्वर, भालेवाडी- बंगळवाडी’ बोरगाव- पाचवड, दिलमेश्वर- आलेश्वर, मिरगव्हाण- बंगळवाडी, नेरले- भोत्रे, आवटी- डोमगाव, आवटी- रोसा, सावडी- चिलवडी हे रस्ते बंद केले जाणार आहेत, अशी माहिती सोलापूर पोलिस अधीक्षक तेजस्विनी सातपुते यांनी आदेशाद्वारे दिले आहे.
Previous Articleकर्नाटक शनिवार-रविवार कर्फ्यू: रिक्षा, वाहनचालकांना मोठा फटका
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.