ऑनलाईन टीम / मुंबई :
महाराष्ट्रात कोरोना बाधितांची संख्या गेले काही दिवसांपासून कमी जास्त होताना दिसत आहे. मागील 24 तासात 8 हजार 010 नवीन कोरोनाबाधित आढळले असून 7 हजार 391 रुग्णांना डिस्चार्ज देण्यात आला आहे. तर कालच्या दिवशी 170 रूग्णांचा मृत्यू झाला आहे.
राज्यात आजपर्यंत एकूण 59 लाख 52 हजार 192 कोरोनाबाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे 96.17 टक्के इतके झाले आहे. सध्या राज्यातील मृत्यूदर 2.04 टक्के एवढा आहे.
दरम्यान, आजपर्यंत तपासण्यात आलेल्या 4,48,24, 211 प्रयोगशाळा नमुन्यांपैकी 61 लाख 89 हजार 257 नमुने पॉझिटिव्ह आले आहेत. सध्या राज्यात 5,81,266 व्यक्ती होमक्वारंटाईनमध्ये आहेत तर 4,471 व्यक्ती संस्थात्मक क्वारंटाईनमध्ये आहेत. राज्यात सद्य स्थितीत 1 लाख 07 हजार 205 ॲक्टिव्ह रुग्ण आहेत.
