ऑनलाईन टीम / वॉशिंग्टन :
अमेरिकेच्या विस्कॉन्सिनमधील एका मॉलमध्ये अज्ञाताने बेछूट गोळीबार केला. या गोळीबारात आठ जण जखमी झाले असून, त्यांना रुग्णालयात दाखल करण्यात आले आहे. शुक्रवारी सायंकाळी ही घटना घडली.
विस्कॉन्सिनमधील मिलवॉकी येथील मेफिल्ड शॉपिंग मॉलमध्ये अज्ञाताने अचानक गोळीबार केला. गोळीबारात जखमी झालेल्या आठ जणांना रुग्णालयात दाखल करण्यात आले आहे. दरम्यान, गोळीबारामुळे मॉलमधील नागरिकांमध्ये भीतीचे वातावरण पसरले असून, घटनास्थळी 75 पोलिसांचा फौजफाटा दाखल झाला आहे. वाउटोसा पोलीस या घटनेचा तपास करत आहेत.