मुंबई
भारतीय रिझर्व्ह बँकेने आरबीएल बँकेवर अतिरीक्त संचालक म्हणून योगेश दयाल यांची अचानक नियुक्ती केल्यानंतर शेअर बाजारात या बँकेचे समभाग कोसळल्याचे दिसले. जवळपास 20 टक्के इतकी समभागाच्या भावात घसरण झाल्याची बाब समोर आली आहे. 53 आठवडय़ानंतर आरबीएल बँकेचा समभाग 138 रुपयांवर घसरल्याचे दिसून आले आहे. बँकेचे व्यवस्थापकीय संचालक व सीईओ विश्ववीर अहुजा हे आठवडाभर रजेवर गेल्याने या बँकेच्या ठेवीदारांमध्ये चिंता पसरली होती.