वृत्तसंस्था/ सिंगापूर
एटीपी टूरवरील येथे सुरू असलेल्या सिंगापूर खुल्या पुरुषांच्या आंतरराष्ट्रीय टेनिस स्पर्धेत ऑस्ट्रेलियाचा वाईल्डकार्डधारक टेनिसपटू मॅथ्यू एब्डनने आपल्या देशाच्या द्वितीय मानांकित जॉन मिलमनचा पराभव करत एकेरीची उपांत्यपूर्व फेरी गाठली आहे.
गुरुवारी या स्पर्धेतील झालेल्या सामन्यात एब्डनने मिलमनवर 6-4, 6-1 अशा सरळ सेट्समध्ये मात केली. एब्डनने हा सामना 72 मिनिटांत जिंकला. अन्य एका सामन्यात माल्डोवाच्या अल्बॉर्टने जर्मनीच्या हेफमनचा 6-7 (2-7), 7-6 (9-7), 6-3 तसेच दक्षिण कोरियाच्या केऊनने जपानच्या युचियामाचा 6-3, 6-4 असा पराभव करत पुढील फेरीत प्रवेश मिळविला.