बेंगळूर/प्रतिनिधी
कर्नाटकात बेळगाव लोकसभेसाठी १७ एप्रिलला पोटनिवडणूक होणार आहे. काँग्रेसकडून सतीश जारकिहोळी निवडणूक लढविणार आहेत. दरम्यान जारकिहोळी सर्वात श्रीमंत उमेदवार असल्याचे समोर आले आहे.
आमदार म्हणून कार्यरत असताना जारकिहोळी यांनी त्यांची व त्यांच्या कुटुंबाची मालमत्ता १४८ कोटी जाहीर केली होती. म्हणजेच २०१८ च्या विधानसभा निवडणुकीनंतर त्यांची संपत्ती ३.५ पट वाढली आहे.
पोटनिवडणुकीत जारकिहोळी हे एकमेव करोडपती उमेदवार नाही. तीनही जागांतील सर्व प्रमुख पक्षांनी उभे केलेल्या उमेदवारांपैकी सर्वात गरीब म्हणजे मस्कीचे कॉंग्रेसचे उमेदवार बसवाणंगौड आर. तुर्विहाळ आहेत. त्यांच्याकडे १.९२ कोटींची संपत्ती आहे. २०१८ मध्ये २.२२ कोटी मालमत्ता होती. आता त्यात काहीशी घट झाली आहे.