ऑनलाईन टीम / नवी दिल्ली :
कोरोनाबाधित रुग्णाच्या घराबाहेर पोस्टर्स न लावण्याचे आदेश सर्वोच्च न्यायालयाने सर्व राज्य सरकारांना दिले आहेत. कोरोना रुग्णाच्या घराबाहेरील पोस्टर्स लावणे बंद करण्यासाठी दाखल असलेल्या याचिकेवर न्यायाधीश अशोक भूषण यांच्या खंडपीठाणे आज निकाल दिला.
कोरोना रुग्णाच्या घराबाहेर संबंधित प्रशासकिय विभागाने पोस्टर्स लावल्यानंतर घरातील नागरिकांना अस्पृश्याप्रमाणे वागणूक मिळते. यासंदर्भात अनेक तक्रारी प्राप्त झाल्या आहेत. बाधितांच्या घराबाहेर पोस्टर्स लावण्यामागे इतर नागरिकांची सुरक्षा हाच केंद्र सरकारचा उद्देश असला तरीही ते दुष्परिणाम भीषण आहेत.
त्यामुळे आता केवळ आपत्ती निवारण अधिनियमांतर्गत अधिकाऱ्यांना विशिष्ट प्रकरणातच रुग्णांच्या घराबाहेर पोस्टर्स लावता येऊ शकतील, असे न्यायालयाने स्पष्ट केले आहे.