वारणानगर / प्रतिनिधी
वारणानगर येथील श्री. तात्यासाहेब कोरे वारणा सह. साखर कारखान्याचे संचालक शिवाजीराव उर्फ बाळासाहेब आनंदराव जाधव वय ५५ रा.बहिरेवाडी ता. पन्हाळा यांचे आज बुधवार दि.२७ रोजी पहाटे ह्रदयविकाराच्या तीव्र धक्याने निधन झाले.
स्व.पैलवान आनंदराव जाधव विकास सेवा सोसायटीचे चेअरमन, दूध संस्था, पतसंस्था यासह विविध संस्थाचे ते संस्थापक होते. बहिरेवाडीच्या विकासात त्यांचे मोलाचे योगदान होते. पन्हाळा पचायत समितीचे माजी सभापती रविंद्र जाधव यांचे बंधू होत. वारणा समूहाचे संस्थापक स्व. तात्यासाहेब कोरे व स्व.पै. आनंदराव जाधव यानी वारणा समूहात एकदिलाने काम केले तोच वारसा बाळासाहेब जाधवं व माजी मंत्री आ. विनय कोरे यानी वारणा समूहात चालवला होता आज बाळासाहेब यांच्या निधनाने वारणा परिसरावर शोककळा पसरली असून वारणा बहिरेवाडी येथील सर्व व्यवहार बंद ठेवून त्यांना श्रध्दाजंली वहाण्यात आली.