प्रतिनिधी / असळज
गगनबावडा तालुक्यातील कोदे बु. येथे जोरदार वारा व पावसाने नागरिकांच्या घरावरील पत्रे उडून गेले आहेत. कोरोना काळात पत्रे उडून गेल्याने नागरिक आर्थिक संकटात सापडले आहेत.
जोराचा वारा व पावसाने येथील नागरिकांच्या घराचे नुकसान झाले. गगनबावडा तालुक्यातील कोदे येथील नागरिकांच्या घरावरील पत्रे उडून गेले असून मोठ्या प्रमाणात नुकसान झाले आहे. याबाबत तहसील विभागाने याठिकाणी पंचनामा करून नागरिकांना भरपाई मिळावी अशी मागणी नागरिकांतून होत आहे.