वृत्तसंस्था/ ढाक्का
बांगलादेशमध्ये कोरोना महामारीचा प्रकोप झपाटय़ाने वाढत असल्याने येथील हवाई वाहतूक बंद करण्याचा निर्णय घेण्यात आला आहे. दरम्यान बांगलादेशच्या दौऱयावर असलेल्या दक्षिण आफ्रिकेच्या महिला क्रिकेट संघाला आपला दौरा आटोपता घ्यावा लागला. दक्षिण आफ्रिकेच्या महिला क्रिकेट संघाने हा दौरा अर्धवट सोडून मायदेशी प्रयाण केले आहे.
बांगलादेशमध्ये कोरोनाचे रूग्ण वाढत असल्याचे दिसून येत असल्याने शासनाने 14 एप्रिलपासून एक आठवडय़ाच्या कालावधीसाठी हवाई वाहतूक बंद करण्याचा निर्णय घेतला आहे. दक्षिण आफ्रिकेच्या क्रिकेट संघाने वनडे क्रिकेट मालिकेतील चार सामने खेळले असून त्यांचा पाचवा आणि शेवटचा सामना मंगळवारी आयोजित केला होता पण लॉकडाऊन होण्याआधीच दक्षिण आफ्रिकेच्या महिला संघाने ही मालिका अर्धवट सोडण्याचा निर्णय घेतला. अलिकडच्या कालावधीत बांगलादेशमध्ये कोरोनाच्या दुसऱया लाटेमध्ये प्रत्येक दिवशी 7000 नवे रूग्ण मिळत आहेत.