झी5ने नक्सल या वेबसिरीजमधील कलाकारांची घोषणा केली आहे. राजीव खंडेलवाल (राघव), टीना दत्ता (केतकी), आमीर अली (केसवानी), श्रीजीता डे (प्रकृती) आणि सत्यदीप मिश्रा (पहन) हे कलाकार या मालिकेमध्ये दिसणार आहेत. या मालिकेच्या चित्रिकरणाला निर्माते लवकरच सुरुवात करणार आहेत. त्यासाठी कोविड-19च्या पार्श्वभूमीवर योग्य आणि कठोर असे सुरक्षा उपाय योजले जाणार आहेत. नक्सलची निर्माती जीसिम्सचे अर्जुन सिंग बरन आणि कार्तिक डी निशानदार यांनी केली आहे.
ही आठ भागांची मालिका काल्पनिक कथेवर अवलंबून असून यात ‘नक्सल’ चळवळीविरोधात लढणाऱया एका योद्धय़ाची कथा साकारण्यात आली आहे. राघवसाठी (राजीव खंडेलवाल) ही काळाच्या विरोधातील लढाई आहे. राघव हा एक पोलीस अधिकारी आहे आणि तो सर्व आव्हानांचा सामना करत लढतो आहे. महाराष्ट्रातील दाट जंगलांपासून महानगरांपर्यंत सर्वच अंगे व्यापणारी अशी ही मालिका असून नक्सल चळवळ या दोन्ही वातावरणात कशी फोफावत चालली आहे, त्याचे चित्रण या मालिकेमध्ये घडणार आहे. कोविडच्या पार्श्वभूमीवर या मालिकेतील कलाकार आणि तंत्रज्ञ यांच्यात फार मोठय़ा प्रमाणावर बदल केले गेले आहेत. पण सरतेशेवटी यात निवडण्यात आलेले सर्वच कलाकार व तंत्रज्ञ हे खूपच ताकदीचे आहेत. आमीर, सत्यदीप, टीना आणि इतर कलाकारांबरोबर काम करण्यास मी अत्यंत उत्सुक आहे. त्यांच्यापैकी एकाहीबरोबर मी अद्याप काम केलेले नाही. त्यामुळे उत्सुकता अधिकच वाढली आहे. या मालिकेसाठी आम्ही संहितावाचन केले आहे. या काळात मी माझ्या व्यक्तिरेखेवर काम केले आहे. मला असे वाटते की माझ्या चाहत्यांसाठी ही एक मेजवानी असेल, कारण त्यांनी आत्तापर्यंत मला यासारख्या व्याक्तीरेखेमध्ये कधीही पाहिलेले नाही. एसटीएफ एजंटची माझी व्यक्तिरेखा ही प्रेक्षकांना चकित करून जाईल. कारण या व्यक्तिरेखेला खूप कंगोरे आहेत. विनोदी अंदाजात सुरुवात होवून ही व्यक्तिरेखा ऍक्शनपर्यंत विविध अंगाने जाते. त्याचवेळी अनेक भावनिक छटाही तिच्याशी जोडल्या गेल्या आहेत आणि त्या संपूर्ण मालिकेत पुढे येतात, असे राजीव खंडेलवालने सांगितले.