वृत्तसंस्था/ रोम
सिरी ए फुटबॉल स्पर्धेत नापोली फुटबॉल संघाने आपला सलग पाचवा विजय नोंदविला. रविवारी झालेल्या सामन्यात नापोलीने स्पेलचा 3-1 अशा गुण फरकाने पराभव केला.
या विजयामुळे नापोली संघ स्पर्धेच्या गुणतक्त्यात 28 सामन्यांतून 45 गुणांसह सहाव्या स्थानावर आहे. रविवारच्या सामन्यात नापोली संघातर्फे मर्टन्स, जोस मारिया कॅलेजोन आणि अमीन युनीस यांनी प्रत्येकी एक गोल केला. स्पेलतर्फे एकमेव गोल पेटागेनाने केला. या स्पर्धेत ए.एस. रोमा संघ गुणतक्त्यात पाचव्या स्थानावर आहे. रोमा संघाने 48 गुण नोंदविले आहेत. या स्पर्धेत रविवारी झालेल्या अन्य एका सामन्यात एसी मिलान संघाने एएस रोमाचा 2-0 असा पराभव केला.