ऑनलाईन टीम / इस्लामाबाद :
नोबेल पुरस्कार विजेती मलाला युसफजाई आता पदवीधर झाली आहे. मलाला हिने ऑक्सफर्ड विद्यापीठातून फिलॉसॉफी, पॉलिटिक्स आणि इकॉनॉमिक्स विषयातील पदवी प्राप्त केली आहे. मलालाने ट्विटरद्वारे यासंदर्भात माहिती दिली आहे.
मलाला युसफजाई ही पाकिस्तान शिक्षण चळवळीतील एक कार्यकर्ती आहे. तिने पदवी मिळाल्याचा आनंद कुटुंबियांसोबत केक कापून साजरा केला आहे. ‘ऑक्सफर्ड विद्यापीठाची फिलॉसॉफी, पॉलिटिक्स आणि इकॉनॉमिक्सचा पदवी अभ्यासक्रम पूर्ण करताना मला खूप आनंद होत आहे. पुढे काय करणार हे अद्याप निश्चित नाही. पण नेटफ्लिक्स, वाचन आणि झोप हा माझा सध्याचा कार्यक्रम आहे’, असे मलालाने ट्विटमध्ये म्हटले आहे.