बेळगाव : मतदारांनी मतदानाचा हक्क बजावणे हे प्रत्येकाचे कर्तव्य आहे. तेव्हा प्रत्येकाने मतदान करावे याबाबत मनपा स्वच्छता कर्मचाऱयांनी आणि इतर कर्मचाऱयांनी शहरातून रॅली काढून मतदान जनजागृती केली आहे. दररोज हाती कचऱयाची बुट्टी घेणारे कर्मचारी यावेळी मतदान करा, असे जनजागृतीचे फलक घेऊन जाताना दिसत होते. जिल्हा स्वीप समितीच्यावतीने या जनजागृती फेरीचे आयोजन करण्यात आले होते. स्वीप समितीचे अध्यक्ष व जिल्हा पंचायतीचे मुख्य कार्यकारी अधिकारी दर्शन एच. व्ही. आणि महानगरपालिका आयुक्त जगदीश के. एच. यांनी ध्वज दाखवून या रॅलीला चालना दिली. धर्मवीर संभाजी चौक येथून रॅलीला सुरुवात झाली. किर्लोस्कर रोड, रामदेव गल्ली, खडेबाजार, शनिवार खूटमार्गे सरदार्स मैदानावर रॅलीची सांगता करण्यात आली. यावेळी महानगरपालिकेच्या 100 हून अधिक कर्मचाऱयांनी यामध्ये भाग घेतला होता. याचबरोबर पी. बी. दुडगुंटी, राघवेंद्र अण्णीकेरी, रोहन कोकणे, पी. पी. देशपांडे, ए. पी. बसनाळ, आय. डी. हिरेमठ यांच्यासह महानगरपालिकेचे अधिकारी व कर्मचारी उपस्थित होते.
Previous Articleउद्यमबाग परिसरातील समस्यांना वाली कोण?
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.