प्रतिनिधी/ बेळगाव
यशवंतपूर-चंदीगड ही द्विसाप्ताहिक रेल्वे (क्र.06239-06240) बेळगावमधून धावणार आहे. येत्या 3 नोव्हेंबरपासून ही रेल्वे सुरू होणार आहे. यशवंतपूर येथून प्रत्येक बुधवारी व शनिवारी रेल्वे धावणार आहे. यामुळे बेळगावमधून दिल्ली व पंजाबला जाणाऱया नागरिकांना सोयीचे ठरणार आहे.
यशवंतपूर येथून दुपारी 1.55 वा. निघणारी रेल्वे रात्री 12.30 वा. बेळगावला पोहोचणार आहे. त्यानंतर मिरज, पुणे, मनमाड, भुसावळ, भोपाळ, झाशी, हजरत निजामुद्दीन, नवी दिल्ली, पानीपत, अंबाला येथून चंदीगड येथे पोहोचणार आहे. चंदीगड येथून प्रत्येक मंगळवारी व शनिवारी रेल्वे निघणार आहे. चंदीगड येथून दुपारी 3.35 वा. निघणारी रेल्वे दुसऱया दिवशी सायंकाळी 6.50 वा. बेळगावला पोहोचेल. एकूण या रेल्वेला 24 डबे जोडण्यात आले आहेत.