बुधवारी 55 रुग्णांचा मृत्यू : 1780 जण संसर्गमुक्त : 4,764 नवे रुग्ण
प्रतिनिधी/ बेंगळूर
मागील दोन दिवसांपासून कोरोनाबाधितांचा आकडा कमी होत असतानाचा गुरुवारी पुन्हा रुग्णसंख्येने मोठी उसळी घेतली. मागील 24 तासांत 4764 नव्या कोरोनाबाधितांची नोंद झाली आहे. दिवसभरात आढळून आलेली ही सर्वाधिक रुग्णसंख्या आहे. दिलासादायक बाब म्हणजे मागील काही दिवसांपासून कोरोनाबाधितांच्या मृत्यू प्रमाण कमी होत असल्याचे चित्र आहे. सोमवारी 72, मंगळवारी 61 तर बुधवारी 55 जणांचा मृत्यू झाला आहे.
कोरोनाबाधित रुग्ण बरे होण्याचे प्रमाणही समाधानकारक असून बुधवारी 1780 जण बरे होऊन घरी परतले. तर मंगळवारी 1664 जणांना डिस्चार्ज देण्यात आला होता. राज्यात आतापर्यंत 75833 बाधितांची नोंद झाली आहे. यापैकी 27,239 कोरोनामुक्त झाले आहेत. तर 1519 जण मृत्युमुखी पडले आहेत. त्यामुळे उपचारातील रुग्णसंख्या 47,069 इतकी झाली आहे.
मागील 24 तासांत बेंगळूर शहर जिल्हय़ात 2050, उडुपीत 281, बेळगाव 219, गुलबर्गा 175, मंगळूर 162, धारवाड 158, म्हैसूर 145, बेंगळूर ग्रामीण 139, रायचूर 135, बळ्ळारी 134, चिक्कबळ्ळापूर 110, दावणगेरे 96, कोलार 88, चिक्कमंगळूर 82, बिदर 77, हासन 72, गदग 71, बागलकोट 70, कारवार 63, शिमोगा 59, विजापूर आणि तुमकूर जिल्हय़ात प्रत्येकी 52, हावेरी 50, रामनगर 45, यादगीर 43, चित्रदुर्ग 40, मंडय़ा 37, चामराजनगर 31, कोप्पळ 21 आणि उडुपी जिल्हय़ात 7 नवे रुग्ण आढळून आले आहेत.