जनतेने लस घेण्याचे केले आवाहन
प्रतिनिधी / विटा
आमदार अनिल बाबर आणि पत्नी शोभाकाकी अनिल बाबर यांनी बुधवारी येथील विटा ग्रामीण रूग्णालयात कोरोनाची लस घेतली. यावेळी कोरोनाची लस सुरक्षित असल्याचे आमदार बाबर यांनी सांगितले. ६० वर्षावरील ज्येष्ठ नागरिक आणि ४५ वर्षावरील मधूमेह, रक्तदाब यासारख्या आजारांनी त्रस्त नागरिकांनी लस घ्यावी आणि कोरोनापासुन सुरक्षित राहवे असे आवाहनही यावेळी आमदार अनिल बाबर यांनी केले.
यावेळी ग्रामीण रूग्णालयाचे वैद्यकीय अधिक्षक डॉ. अविनाश लोखंडे उपस्थित होते. डॉ. अविनाश लोखंडे यांनी खानापूर तालुक्यात प्राथमिक आरोग्य केंद्र आणि ग्रामीण रूग्णालयात लसीकरणाची सोय करण्यात आले असल्याचे सांगितले तसेच दोन टप्प्यात होणाऱ्या या लसीकरणाचा लाभ नागरिकांनी घ्यावा, त्यांनी यावेळी केले.